No Auditorio de Galicia, o 16 de abril
O recipiente que contén o destilado chámase Handmade, un disco que leva o pouso do seu percorrido vital. Hindi é unha bereber nacida en Khouribga (Marrocos) en 1979. Medrou nunha familia próxima á música e ao teatro, escoitando raï, châabi, música bereber, rock e blues do deserto. Desde os 14 anos vive en París, onde foi gañando táboas como compositora e corista de grupos soul. Ata que pasou tres meses nun apartamento alugado para fabricar a man un disco sedutor, cantado en inglés e amazigh cunha voz excepcional.
Handmade é unha combinación da delicadeza da chanson, a melancolía da rive gauche e as tendencias máis contemporáneas. Chegou ao número 2 na lista europea de world music e de aí a unha xira por dez países coa que amosou a público e crítica que é moito máis que a cantante de moda en Europa. Así o ve Juanjo Peña, da revista B! Ritmos: "Chega Hindi e amósanos, con abafadora naturalidade, que nin mesturas, nin músicas do mundo, nin mestizaxes... que todo é o que son, que todo isto é o que hai. Unha amazigh marroquí francesa. Unha personalidade capaz de crear identidade propia".
« Programa 2010 - 2011
Hindi Zahra
A nova voz da música global16 de abril / 21.00 h
Auditorio de Galicia / Santiago de Compostela
Entrada: 15 € / Menores de 25 anos e persoas xubiladas: 7,50 €
O recipiente que contén o destilado chámase Handmade, un disco que leva o pouso do seu percorrido vital. Hindi é unha bereber nacida en Khouribga (Marrocos) en 1979. Medrou nunha familia próxima á música e ao teatro, escoitando raï, châabi, música bereber, rock e blues do deserto. Desde os 14 anos vive en París, onde foi gañando táboas como compositora e corista de grupos soul. Ata que pasou tres meses nun apartamento alugado para fabricar a man un disco sedutor, cantado en inglés e amazigh cunha voz excepcional.
Handmade é unha combinación da delicadeza da chanson, a melancolía da rive gauche e as tendencias máis contemporáneas. Chegou ao número 2 na lista europea de world music e de aí a unha xira por dez países coa que amosou a público e crítica que é moito máis que a cantante de moda en Europa. Así o ve Juanjo Peña, da revista B! Ritmos: "Chega Hindi e amósanos, con abafadora naturalidade, que nin mesturas, nin músicas do mundo, nin mestizaxes... que todo é o que son, que todo isto é o que hai. Unha amazigh marroquí francesa. Unha personalidade capaz de crear identidade propia".
- Visita a web oficial de Hindi Zahra
« Programa 2010 - 2011
