LLUÍS LLACH

Poetes

Auditorio de Galicia
1 de xuño de 2004. 21:00 h.
12 €. Tarifas reducidas de 6€ para estudantes e xubilados/as.

'Poetes' é unha homenaxe a algúns escritores que foron decisivos na traxectoria musical de Lluís Llach. O cantautor catalán recupera cancións que compuxo nestes últimos 30 anos a partir de textos de Màrius Torres, Josep Maria de Sagarra, Pere Quart, Constantin Kavafis, Joan Fuster e, moi singularmente, de Miquel Martí i Pol.

Neste último traballo, Lluís Llach inclúe moitos dos seus temas emblemáticos como Viatge a Itaca, Vinyes verdes vora el mar, Ara mateix ou Corrandes d´exili; amais o cantautor introduce unha canción esquecida de Josep Maria Andreu Temps i temps e tres pezas da súa autoría dedicadas a tres personaxes que o inspiraron no seu quefacer poético persoal: Maria Aurèlia Capmany, Josep Maria Espinàs e Eudald Solà.

No seu concerto en Compostela, Llach estará acompañado por Laura Almerich (guitarra, marimba, acordeón e voces), Jorge Cuscueta (saxo e clarinete), Dani Forcada (percusión), Jordi Portaz (baixo e contrabaixo), Lali Rodríguez (guitarras) e Odette Telleria (voz).

Lluís Llach naceu en 1948 en Girona e viviu toda a súa infancia no Baix Empordà, comarca da que sempre se declarou namorado. Amosou interese pola música desde pequeno e deuse a coñecer como cantante durante a súa época universitaria. Inmerso nos ambientes antifranquistas, pronto destacaría na denominada Nova Cançó catalana. A opresión da dictadura obrigouno a exiliarse a Francia, onde continuaría con éxito a súa carreira artística, ata o seu regreso a Cataluña

Lluís Llach. Web oficial do cantautor catalán.

« Programa 2004
Escoita un fragmento en mp3:
Un no sé què