No Auditorio, o 13 de novembro
Ryuichi Sakamoto
O equilibro perfecto entre acústico e electrónico
Venres, 13 de novembro
No Auditorio de Galicia, ás 21:00 horas
O prezo da entrada é de 20 euros, con descontos do 50% para menores de 25 anos e persoas xubiladas
Playing the Piano é a primeira xira en solitario de Ryuichi Sakamoto desde o ano 2000. Nela, presenta o seu primeiro álbum en solitario en cinco anos, tamén chamando
Playing the Piano, que inclúe o seu repertorio máis coñecido, gravado en directo en Xapón. Unha edición especial incluirá, ademais, outro disco,
Out of Noise, no que o compositor xaponés amosa a súa mestría á hora de mesturar a música acústica coa electrónica.
Sakamoto é un dos compositores e músicos máis premiados da escena musical actual. A súa carreira caracterizouse sempre por romper as barreiras entre a música e a tecnoloxía, experimentar con xéneros musicais tan diversos como a música electrónica, o pop ou a música sinfónica, e traballar coas máis importantes bandas de rock e música moderna do Xapón, onde foi membro fundador do mítico grupo Yellow Magic Orchestra (YMO). Desde finais da década dos setenta, Sakamoto desenvolveu unha peculiar linguaxe musical que mestura a tradición oriental coa vangarda electrónica e pop de Occidente, onde acadou grande sona grazas á súa colaboración con cantantes e grupos de prestixio como David Sylvian, David Byrne ou a Penguin Cafè Orchestra. O seu maior éxito internacional débello, porén, ás bandas sonoras que compuxo para dezaoito películas, entre as que cómpre salientar
Benvido Mr. Lawrence,
O Último Emperador (pola que obtivo un Oscar e un Grammy),
O Ceo Protector e
Femme Fatale.
Unha xira na que abarca o seu repertorio máis coñecido e na que, ademais, pon en práctica a súa filosofía de respecto polo medio ambiente ao comprometerse a reducir as emisións de C02 e a compensar a creación de refugallos coa compra de créditos de carbono a empresas que invisten en enerxías alternativas.
«
Programa 2009